Description:
Lyrics:
Khuda-e-bartar teri zameen par
Zameen ke khatir yeh jang kyun hai
Har ek fatho jafar ke daaman pe
Khoon-e-insaan ka rang kyun hai
Khuda-e-bartar
Zameen bhi teri hai hum bhi tere
Yeh milkiyat ka sawaal kya hai
Yeh katl-o-khoon ka rivaaj kyun hai
Yeh rasme jang-o-jadal kya hai
Jinhe talab hai jahan bhar ki
Unhi ka dil itna tang kyun hai
Khuda-e-bartar
Gareeb maao shareef behno
Ko amn-o-ijjat ki zindagi de
Jinhe ata ki hai tune taakat
Unhe hidayat ki roshni de
Saro mein kibro guroor kyun hai
Dilon ke sheeshe pe jang kyun hai
Khuda-e-bartar
Kaza ke raste pe jaanewalo
Ko bach ke aane ki raah dena
Dilon ke gulshan ujjad na jayein
Mohabbaton ko panaah dena
Jahan mein jashn-e-wafa ke badle
Yeh jashn-e-teeron tafang kyun hai
Khuda-e-bartar teri zameen par
Zameen ke khatir yeh jang kyun hai
Har ek fatho jafar ke daaman pe
Khoon-e-insaan ka rang kyun hai
Khuda-e-bartar
0 Comments